الرجل اللى دبح القطة و الرجل القطة

الراجل بين زمن دبح القطة ،، وبين زمن الراجل القطة

--------------------------------------------------------------------------------






"العيب عليه أصله مدبحلهاش القطة"



كلمه بنسمعها كتير خاصة من العجائز من النساء
حينما تري زوجه متسلطة تكاد تكون مسيطرة علي زوجها


والغلبان يا عيني لا حول له ولا قوة !!!!!!!!


أصل المقوله ديه يرجع الي عادة كانت منتشرة


قديما بين رجال مصر هي أن يحضر الرجل قطة


ويجهزها ويضعها في غرفة النوم,, وفي ليلة الدخله


يدبح القطة المسكينة قدام عين مراته قال يعني عشان يبرهنلها علي


مدي شجاعته التي ليس لها حدود ..(بيتشطر ع القطة يعني)...


بس صراحة كانت بتجيب نتيجة وأدينا كلنا شوفنا


بين القصرين (الفيلم اللي بسببه لسه الرجاله رافعة راسهه لغاية دلوقت )


"ايه اللي حصلك يا أمينه"


"السوارس خبطتني يا سي السيد"










لكن دلوقتي الراجل بقي هوه القطه (الا ما رحم ربي !!!!!!!!!!)



"أحمد , الساعة بقت سابعة قوم يللا حضر الفطارعلي ما آخد الشاور"


"حاضر يا حبيبتي , خلاص بنشر آخر حتة وجاي"


بعد الشاور" أحمد , أنا نازلة الشغل , بليز بلاش آجي من الشغل الاقيك لسه مطبختش,,


وباقي شغلك في البيت بقة انته عارفه,,, باي يا ولاد"


طبعا مقدرش أقوول ان رجالة زمان كلهم كانوا زي سي السيد


ولا أقدر اقول بردو ان رجالة النهارده كلهم زي أحمد
بس احنا بنتكلم علي الغالب......







في النهاية يا ريت كل واحد يخش ويقول مين من الزمنين كان أحسن,,,



وياريت البنات بالذات تقول تحب مين أكتر


سي السيد الراجل المنغلق الرجعي بس (راجل)


وللا أحمد المنفتح التقدمي اللي سبور بس (قطة)


مستني آراءكم!!!!!!