ابن النيل
عدد المساهمات : 127 تاريخ التسجيل : 05/12/2009
| موضوع: قفل بيبانـــك يا شتا الأربعاء ديسمبر 15, 2010 12:02 pm | |
|
قفل بيبانك يا شتا وأستر مشاعرى مش كل مرة يا شتا تلخبطلى شِعـرى وأبان ضعيف / .. فى الكام قصيدة اللــ أمتلكهم قفل بيبانك يا شتا / أنا مش مالكهم قاعدين جوايا يرزّعوا فى الذكريات هنا حب عاشله كام سنه وهنا حب مات قفل بيبانك يا شتا وأستر مشاعرى مش كل مرة يا شتا تفضحلى شعرى مش كل مرة يا شتا / .. هقدر أدارى دمعتى فى حبة مطر مش كل قهوة هتتشرب لجل الدفى هلقى فى خطوطها بيتكتب / سكة سفر قفل بيبانك يا شتا وبلاش هواك يلعب بقلبى زي أوراق الشجر قفل بيبانك يا شتا أنا مش ملاك أنا لسه برضه يا شتا كيف البشـر ببكي وبحزن وأتوجع قفل بيبانك يا شتا / بطّل وجع لا أنا قلبى حملك يا شتا ولا حمل شِعـرى قفل بيبانك يا شتا وأستر مشاعرى
| |
|